Mujin Nikho Masapen ana Kiman dan
Tulha Nisim 4 nikho a Kuki Inpi makaina a kikhop na a chun Pate ahen khat in achesa Sept.13, 1994 kum a Sahnit Ni ana mandan'u asei in tunin ka Facebook friend ho kom'a share kahin bol nom'e. Anoija hin ama sei tobang thim chun kamelchih kham kham hin sei inge, seikhel aumkhah le neihin sudih mai uvin. Sept.13, 1993 kum nilhah lam chun Joupi a isopi hou kitha thu chu Imphal a um Eimi ho kom ahung lhung tan, Eimi Veng ho chu kakikhom uvin, KSO leh adang dang ho makai na in thilong phong in thiding-hinding jong gel lou'in kana kalsong tauve. Hiche phatlai chun athi-amang aum leh Pu Tongkhojang kom'a hin thusoh ahung lhung masapen ji'e. Hitia chu aman eihin khop jiuva bolthei thei kibolji ahi. Joupi a thilong phong a kache uchun, gelsang in thilong ana tam in, amelset dan chu tijat-lujat aum leove. Hiche seh jong chu hilouvin Kho adang phabep a jong mi ijat hamkhat melse tah a akitha thu chu kahin ja pai kit tauve. Sept.13, 1993 nikho masang jong hin athi-a