e-Newspaper Manbei a Mu nathei Lampi Phabep


Jingkah matah a e-newspaper(PDF) nasim nom am? Nasim nom le online subscribe bolthei ahi. Min hahsa tah a newspaper sodoh ji a free a nasim gunkei le adihlou khat um ahi.😂
Subscription vang hi aman tamkit chu o na...akhoh tave.
Free mama apha e nati le ken Lockdown sung a free a newspaper kalah naho themkhat hi share inge. Ahichu sum a johson, ahilou leh mi tampi pi kom a hopdoh son bou boi ahin, education purpose a ding a manchah toh, mi khat-le-ni gah thotson chu ase behseh ahi poi. Kei tobang Thase-Tuidu nahi leh gah simsuh tem'in. Among a hetna hi iguhtho le mantam dehset ahi. Professor khat in Lekhabu kigutho hohi amanlut dan jatchom ahi ana tiji'e:


1. EIMI TIMES: ET hi inei sun'u niseh thuso ahi. Akhoh ten ten tilou in scan bol a group a thot le le hohi bol lou'a pha ahi. Ole ba?😀 ET hi niseh a [https://eimitimes.in/] website a matah tah a Editor nu in ahin upload jing ahin, website a pat joh in ana ki-download tho ji taute. Ahin, anikho a vang namu lou ding, ajing jingkah matah a vang namu ding ahi.
2. Manipur Local Newspaper: Subscribe bol lou hodia apha pen chu Telegram account kihon loulai hon kihon uvin lang, Manipur State News kiti channel khu join leuchun hijeng ahi. Sangai Express (English & Manipuri) khu Jaan 12:30am apat 2:00am kikah in ahin upload ji tauve. Imphal Free Press, Manipur Chronicles, The Morning Bell, chule Manipuri newspaper adang ho jong 3:00am masang a hung ki upload ji ahi tai. People's Chronicle le Poknapham vang agei jep ji in 5:00am lang le akimu bep ji. People's Chronicle hi amaho website a jong jinglam en neh phat don a pat kimu ji ahi tai. Hiche group a hi nilhah newspaper Eveninger hojong 5:00pm masang a kimu ji ahi tai.
3. National Newspaper: National Newspaper ho hi Telegram a abon tobang a kimu ahi. Adeh a gah hetthei jep, tichu The Hindu, Times of India, Hidustan Times, Economic Times, Financial Express, Business Standard, The Statesman, Indian Express, New Indian Express, Deccan Chronicle, Asian Age, The Pioneer, The Tribune, Hans India, chule adg. tampi kimu sohkei ahi. Hindi Newspaper ho jong atam lang kimu ahi. Chule State dang dang newspaper ho, tichu Assam Tribune, Mizoram Times, Nagaland Post, Eastern Mirror, North East Times, Mumbai Mirror, Bengaluru Mirror, Orrisa Today, chule adg. jong tampi kimu jing ahi. Eiho lah a newspaper gah hetthei jep, The Telegraph le Shillong Times vang hi ma tah a kimu jilou, ahivang a kimu kit ji thou ahi. National Newspaper ho hi alhang pi in 5am-6am ho lah le akimu ji tai. Hiche ho vang hi Telegram Channel khat pou pou join le chun hithei jeng ding ahi. Ken Newspaper Today kiti khat ka join in, hiche a hin atamjo akikim ji tai. The Hindu channel khu join le chun The Hindu edition phachom pi toh newspaper dang khat le ni namu jing ding ahi. Times of India channel khu join le chun niseh le Times of India edition som chunglam namu kit ding ahi. Channel hi search nabol a nadei dei naki lhen thei ahi.
4. Magazines/Current Affairs: India sung a magazine atamjo jong Telegram a kimu kit ahi. Gah hetthei din Frontline, Sportstar, Outlook (Outlook sister publication ho), India Today (chule sister publication ho), Filmfare, Tinkle, Kurukshetra, Yojana, Women Fitness, Men's Health, Cricket Today, Hello!, Femina, English Today, Elle India, AutoToday, Airforces, Forbes India, The Nation, Readers Digest, CineBlitz, Down to Earth, Healthcare, National Defence, Rotary News, Chacha Chowdhury, Donald Duck Junior, Grazia India, Om Yoga, The Week, Brides Today, Geopolitics, National Geographic Traveller India, Open, chule adg. tampi kimu jing ahi. Vannoi a kiha sei ma ma TIME magazine jong akimu ji'e. Hiche ho kal val a e-book jatchom chom leh GK/Current Affairs magazine ho jong ahin domlut jing uve. Competitive exam thanom ho dia study material ho jong kimu jing ahi. Ken Magazines & E-Book PDF kiti channel khat ka-join in, hiche a kimu ho kahin sei ahi. Channel ve in lang nadei pen pen na join thei ahi.
5. AIR Manipuri News(Audio): All India Radio Imphal 7:30 AM/PM chuleh 12:00 noon Manipuri News hi aphat a nangai manlou a ahileh website [http://airimphal.in/landing/index.aspx] a khun lut le chun news kisim chai jou minute 10-20 kah a ahin upload ji tauve (download akibol thei pon, online a nangai ding ahi). Website a nalut nom lou le Telegram Channel Manipur State News (achung a kahin minphah pen) a jong khun jingkah-nilhah seh in thuso akichai chai leh ahin domlut pai ji tauve. Ahin, khatvei vei ahin doplut lou nau jong aum ji. Delhi AIR News le Discussion ho jong channel kiminphah ho a khun akimu jing ji'e.
THUCHAI NA: Hiche kahin sei lo nahi, tulai hi social media khang ahi tan, thuso dihlou (fake news) kihom thang atam lheh tai. National TV News Channel ho jeng a jong thuso sang in discussion/debate ho aha boipi joh tauvin, idei bang in thuso akimu tapoi. Hijeh hin Newspaper le AIR News hi thuso kingai nathei dom pen in aum jing nalai'e. Aphapen chu newspaper i-umna mun a kilah a sim ding, thuso jong apet pet (Live) a ngaiding hi ahi. Ahin, atamjo hin inmun ah National Newspaper ho iki lah jou ji pouve. Hijeh hin hardcopy kilah joulou ho dia second best option chu PDF sim ding hi ahi. News hi website/webportal ho a jong simthei ahi nai; ahin PDF a ivet teng newspaper hardcopy tobang in akigel thei in, aphat natah khat aum'e. Hijeh a hi khohtah a alunglut ho dia kahin sei ahi.
Aphatna tampi umjong leh aboina jong umda ahideh poi. Chule Phone/PC/Tablet ho a newspaper kisim chu ipi akisei vang a atahpa hardcopy a kisim toh kikhe ahi. Telegram Channel ho a hin eima dia phachom behseh lou ho jong ahung ki upload jing in, hijeh hin phone in neokhat athohlal jep'e. Laptop/PC a WhatsApp sang a baitah a kihong thei ahijeh in aphat natah khat vang aum'e.
WhatsApp le Telegram kikheh na hi Telegram a Channel ho a khu member 20,000 chan ki add thei ahi. Channel ho a hi admin ho bou in thil a post thei ahi. Telegram Group ho vang hi WhatsApp group toh akiha kheh poi. Ahin message i-delete teng akihet na imacha umlou a (WhatsApp a This message has been deleted kiti ji pen khu umlou a) ki-delete thei ahi. Ka ginchat dan in eiho lah a hin WhatsApp sang in Telegram mang hi halhom in ilhom nalai uvin, hijeh a hi amang khalou lai hodia kahin sei ahi.

Comments

Post a Comment

Popular posts from this blog

Mukt Shabd Journal: Is it a Fake Journal?

Image
About a couple of weeks ago, I came across two online journals,  Mukt Shabd Journal and Tathapi,  which I suspected to be cloned/fake. When I cross-check the journals with that in the UGC-CARE List, I feel convinced that both would be fake/scam primarily because in  less than four months, i.e. March-June,   Mukt Shubd Journal published 2538 papers; and Tathapi published about 1163 papers during the month of June alone. Let me share my tiny experience with this  cloned/fake journal named  Mukt Shabd Journal . Since I was convinced that the journal could be fraud, I was sharing this for research scholars for awareness. Firstly, whenever you log-in to UGC-CARE List (Link:  https://ugccare.unipune.ac.in/apps1/home/index ), you will surely see a message which says This is to alert all the stakeholders that a few fake websites, imposing as CARE website, have come to our notice. All the stakeholders are advised to be careful and avoid falling prey to these potentially predatory websites. Any
Read more

What have the Meiteis Benefitted through this Conflict?

Image
When the Meiteis started the current ongoing ethnic pogrom against the Kukis on May 3, 2023, little did they imagine that it would stretch the whole year. They have entirely underestimated the Kuki-Zo. Now that the year has lapsed and a new year has dawned, it’s time for the majority community, Meiteis, to assess what they have actually benefited from declaring a ‘national war’ against a minority community.  At the beginning of the war, the Meiteis rampaged the Kuki-Zo (henceforth Kuki) in Imphal and hounded the people like dogs. Meitei society, from all hues, was cheering the Arambai Tengol and Meitei Leepun as they went about venting their deep-seated envy, insecurity and misplaced apprehensions. Biren was even hailed in some corners as a legendary Meitei leader who has gone full throttle to regain Meitei’s ‘lost glory.’ However, as the war went on, Kuki started regrouping after their initial setback when they were caught napping. Soon, the Meiteis intruders were ‘Khamenloked’, signa
Read more

Khangdong ho ding’a kitilkhou nathei tah Bosco hinkho

"Genthei tah a lekhasim toh sumhol kahinkop ahin, tunvang Pathen lungset in business neokhat kabol a kon hin niseh leh Dk.10,000 tobang kamu thei tan hahsa lou beh in sumhol toh lekhasim kakop thei tai.” Hiche thucheng hi Bosco Rengtankhel Jaiche in nikhat Manipur University Campus sung a kaki houlimna lhon a asei ahi. Bosco toh hin achesa kum-phabep sung hin kahung kivop lhon tan, Loi-le-Pai hinan lunggel jatchom chom jong kasei khom ji lhon’e. Miphatah ahi in kahahsat na jouse ah jong eikithopi jing’e. Ham-le-pao kibang aki-hilou vang in sopi Eimi gel hinan kingailu tah leh kisato thei tah in hinkho kamang ji lhon’e. Khatvei vei teng leh ka-insung umdan lhon hojong kaseikhom ji lhon in, loi-le-pai mai mai hitalou in sopi kinaicha bang in kaum ji lhon tai. Bosco hinkho a pachat um kasah tah khat chu ama jong genthei tah a hung seilen a sum-le-pai kihol toh lekhasim hinkop ahijeh in ahithei chan’a chapang-khangdong simlai, adeh a inchen genthei ho ijokham kham a kithopi jin
Read more