Tamenglong College Hei Mbangh Kan Pukhou Aniu Nanun Tuang Lunlung Hei Akum Puni?

By: Dr. Gaikhuanlung Ngaomei, Asst. Professor Pettigrew College Ukhrul and Ngamtinlun Touthang, Asst. Professor, Tml. College 

Tamenglong district khou akhatna nai na bamei Tamenglong College hei kum 1979 khou rui ling thao lou the. Kum khuan sini tan suna tat kei mei tho 1985/ 86 khou ruai e. Kumla tuna Manipur University bang khou laa gutmei tho kum 1992 khou ruai e khatni kum 1995 khou ruai Manipur Government ruai laa lou na Government college akhat suna guang the. Tamenglong college hei mei ruai tat tang si mei Tamenglong district khou nai bam sini mituang college khou rui BA (Bachelor of Arts) hei subjects Economics, Education, English, History, Political Science, Sociology, Statistics, khat ni bai mei vocational courses aju khou rui degree loi pat kan mei kasing gei na nai the.

Asei luan hei Manipur Government rui B.Sc. (Bachelor of Sciences) hei subjects Physics, Chemistry, Mathematics, Botany, Zoology, Computer Science khat ni Environmental Science hei ni guang puni mei academic session 2021-2022 khou ruai lan pat khang ding lou na bam the. Mina ramhma College kabam hei ni gairan mei bam khou kalai dat khang tuna taanduan hei tatkeii na bamme. Lunggut na tan bammei Deputy Commissioner, Tamenglong, Pouh Armstrong Pame, Pou Dr. N. Daimai, Principal, Tamenglong College khatni baihmei kaguai ta thuandku bam khang nai the. Commerce stream ni asanh mak khou lou puni mei khang ta mei guai na lumgai na bam kho. Hei na ram ma thou kum mei college regular suna tat kei ngam lak mei nun khang ni IGNOU centre hei lan pat khang karam bam the.

Ntao thu aniu na nun kapang tat datmak sini khatni kapang thang rui ngan na guang lana Arts khatni Sciences subjects hei cham kei bam nu khang nai bam the.

College hei gai guang ni mei tuang cham gaimei aju nai bam sini kunghmei aju ni ariu ni na bam me. Ntao gan khou hei NAAC (National Assessment and Accreditation Council) ruai thai loumak ge thei College khang schemes khant ni fund tii dat mak nga bam the. NAAC saa mei hei UGC bang khou nai mei Autonomous body akhat re, mi hei ruaina India kapum khou nai na bammei colleges khatni Universities kaguai ta jausin bam tuang e.

NAAC team rui assessment tat keii ni khou hei reiliang nga college ruai tatkeii na bammei files khatni activities aju hei than thiak nga nai bam khang kage the. College ruai cham dan the tu kanne thei NAAC team ti hei kao lana assessment hei tat kei nu the. Kaniu rui college tuang performance theilaina grade A++ to D ham yethei 4-0 hei ti puni. Manipur Government rui ni Manipur khou nai bammei colleges kaguai hei NAAC Assessment khou minimum 2.5 Cumulative grade point average (CGPA) hei kum 2022 lung khou mphang mak nu mak ge tuna latding nai bam the. Aniu khang lung rian ra mei kiu tho akhatna naina bammei Tamenglong College hei mpeina man-power rao e khatni college infrastructures hei nthui maknga bamme. Kum bam khuan sini aniu mei guaina chun cham ma taan pu khou ram guai ngam lak tuang khat sini mak ge.

NAAC Assessment hei tat kei ngam kho tu yethei public guai ni lung gut lou khang kage dai na nai the. College authority rui tan ranna tan bam mei khou hei akum ma aniu mei guai na ni college ti hei ti ring nu cho tumei lam asak nga thai cham kho.

1. Puipu kagoi rui Tamenglong College ta machuang mei suna na nun ta college khou kasing geina diu guang lou khang kage nai e. Kalam thu NAAC Assessment khang students sing hei kage daihna nai e.

2. Tamenglong College khou rui passed sukan mei nun tuang bio-data hei kage nai e, khatni thou kumei Government sectors, Private sectors khou Tamenglong College khou rui Degree luai na taan bammei guai tuang feedback mpei na NAAC Assessment khang kage nai e.

3. Church leaders kaguai rui ni kalum mei le kajauhna Tamenglong College hei gaithao khang machuang lou khang kage nai e.

4. Public kaguai ruai ni aniu district khou khatna nai bammei College ti hei sa kasii mei phan machuang lou na college authority goi rui lungut na tan bam mei ti hei thuanku lou bam khang nai e.

Mi tuang article rui sani diang mei tho meiguai na thai lou na nai na bammei college ti hei kasiam thao kho tuna sani tuang e. New Education Policy (NEP) 2020 thei laina aniu kandih khou hei duiluat dai guang kuma education luan khou hei kalai guang puni the. Mi gan khou kiu gaina tatkeii bammei Colleges khatni Universities guai khang tho Government rui funding hei ti mbu thao lana gai mbu ran guang puni the kume tiki kajan khang nga naina bammei Colleges ram yethei Universities guai ta tho derecognized ngan tat kei puni the. Mei goi na lung lou mak khou rui akhana mei Tamenglong College hei mbang kan pu khou lung hamei aju riu puni, khatni aniu pu pou nun rui ling lou dumei education hei kathai gei na latou mak nga tan nu e. Mei guai na ban guam kariu lana aniu khang nai bamei Tamenglong College ti hei chingram khou gailiang mei College su khang karam kho.

(Published in The Tamenglong Times on April 1, 2021)

[English version of the same article is available here: http://shongthuchate.blogspot.com/2021/04/what-will-be-future-of-our-children-if.html)

Comments

Post a Comment

Popular posts from this blog

Mukt Shabd Journal: Is it a Fake Journal?

Image
About a couple of weeks ago, I came across two online journals,  Mukt Shabd Journal and Tathapi,  which I suspected to be cloned/fake. When I cross-check the journals with that in the UGC-CARE List, I feel convinced that both would be fake/scam primarily because in  less than four months, i.e. March-June,   Mukt Shubd Journal published 2538 papers; and Tathapi published about 1163 papers during the month of June alone. Let me share my tiny experience with this  cloned/fake journal named  Mukt Shabd Journal . Since I was convinced that the journal could be fraud, I was sharing this for research scholars for awareness. Firstly, whenever you log-in to UGC-CARE List (Link:  https://ugccare.unipune.ac.in/apps1/home/index ), you will surely see a message which says This is to alert all the stakeholders that a few fake websites, imposing as CARE website, have come to our notice. All the stakeholders are advised to be careful and avoid falling prey to these potentially predatory websites. Any
Read more

What have the Meiteis Benefitted through this Conflict?

Image
When the Meiteis started the current ongoing ethnic pogrom against the Kukis on May 3, 2023, little did they imagine that it would stretch the whole year. They have entirely underestimated the Kuki-Zo. Now that the year has lapsed and a new year has dawned, it’s time for the majority community, Meiteis, to assess what they have actually benefited from declaring a ‘national war’ against a minority community.  At the beginning of the war, the Meiteis rampaged the Kuki-Zo (henceforth Kuki) in Imphal and hounded the people like dogs. Meitei society, from all hues, was cheering the Arambai Tengol and Meitei Leepun as they went about venting their deep-seated envy, insecurity and misplaced apprehensions. Biren was even hailed in some corners as a legendary Meitei leader who has gone full throttle to regain Meitei’s ‘lost glory.’ However, as the war went on, Kuki started regrouping after their initial setback when they were caught napping. Soon, the Meiteis intruders were ‘Khamenloked’, signa
Read more

Narcissistic and Capricious Leadership: Do the Meiteis change their Leaders like one changes clothes?

Image
The Meitei chief minister, N. Biren Singh, recently said that he was anticipating the current ethnic turmoil back in 2013 which he claimed he had already expressed the same in his social media post. He also pointed out that when he shared about such possible ethnic flare-up in the near future, his seniors [politicians] mocked him for being too naive. Now, a critical observation of the series of events that unfold since Biren became the CM, particularly from the latter part of 2021, all pointed towards a well thought out plan possibly involving experts from all walks of life including intellectuals, academics, social activists, defence personnel, intelligence, top police officers, lawyers, and even journalists, most of whom remained behind the screen. However, when their militias began attacking the Kuki-Zo, few individuals and organisations stood out above others though many participated and competed for relevance in Imphal valley. Among these, the Arambai Tenggols led by Mr. Koroungan
Read more