Eimite Dia Vetjui Theitah S.Molnom Vangkho

Achesa October 22, 2014 nikho chun MU campus sung ah Manipur University Tribal Students’ Union (MUTSU) executive ho leh Tribal Research Scholar phabep, chule MU a Tribal jilkung ho kihoukhomna ana um in Picnic party khat gondia kiphatsah na ana umtoh kilhon in amun ding gelkhom na ana um in ahi.  Hiche a kihoulim na a chun eimi jilkung phabep lunggel dung jui in S.Molnom vangkho a che din phatsah ana hitan ahi. Kiphatsah na dungjui in ajing nikho October 23 nichun MUTSU lamkai ho, MU a tribal research scholar ho chule MU a tribal jilkung ho mi-30 val chu picnic party din ana kikalsong in ahi.
Kiloulimna a eimi kho khat picnic mun dia aki deilhen khah chu kagelleh kalung thim ah kipanan kadim in amun lhun ding kangah lal lheh jeng’e. Jingkah lam pung 7:30 vel in MU apat car/gari 10 tobang in kaki patdoh uvin pung 9:00 vel in akhomun kaga lhung taove.
Akhoto’u kaphah uva kipat chun kajet-kavei kave in Lamlen (National Highway) a kipat chun akhosung jotlut na chu phatah in black-top akibol in, thil nen imacha mudoh in aum poi. Lampi jet-le-vei ho ah thingphung tampi akeh in, lim sel in lam akijot-e.
S.Molnom vangkho hi 1950 vel a ana kiphut doh ahitan, kho neocha Inn-30 bep cheng ahi vang un lungmongsel in acheng khom uve. Hiche kho hi Sapormeina a kipat naicha a um ahi in, NH a kipat minute-5 bep kenglam a um ahitai. Phung dangdang jong chenna hijong leh Vaiphei ho Haosat na ahi in, Houthu lam a Independent (S.Molnom Baptist Church) a kivaihom ahiuve. Chule phungkai a Vaiphei Haosat na hijong leh Thadou pao atamjon atho uvin kilung toh tah in acheng khom uve.
Khosung lampi alhung kei a black-top akibol keo hilouvin lampi jet-le-vei jong twilam (drainage) hoitah in akisem’e. Amun-amun ah nen-koina (dust-bin) akitung in kholai dung a nen paithang koima aum poi. Lampam a inn um jouse chu atheng sitset in, thopalling hojong vet hoi tah tah in asemdoh uve. Hiche thopal ling hohi kum-20 chung lam lut a hung kikhoukhah ngen ahiuve.
Khosung haosate Inn chu building thupitah suong-ni a kido ahi in, avet hoi lheh jeng’e. Haosapu in khosung a inn thupi tah atun chun khosung asuh hoi keo hilou in khosung ngailu ahidan jong avetsah-e. Kho neocha ahivang in Lentol hoitah, football kichepna lhingset anei uvin UJB school hoitah suong inn a kisa jong anei uve. Ahin lekha simnan atam lang in Sapormeina amang uve. Ajehchu Sapormeina hi keng a chephah na jong ahi.
Khosung laitah a chun twikul khat aum in, nga tampi akivah-e. Twikul chung achun kicholngah na inn khat akisa in, hiche inn a kipat a twikul a nga ho vetding chu chimtih umlou ahijeng’e. Nga lentah tah jong aum in, jin-le-leng khat-le-ni akinehsah tilou a gamve a cheho vetding mong mong a kikoi ahi. Chule nga vetnom hon amanchah ding in twikul chung a inn a chun anchah ninglhingset in akikoi in, simnom umtahtah lekha bu phabep jong akikoi’e.
Haosa te inn kom a chun inn neokhat in vacha akivah in vetnom aumlheh jeng’e. Chule khosung dung a jong thingphung tampi akeh in nipi lai a din lim nom tah, vetding a jong vet hoi tah in akimu-e. Hou-inn maidung a chun Golden Jubilee suong lentah tah thum akitung in avet hoithei lheh jeng’e. Hiho keo chu hilou in gah toupa jap nathei suongpheng lentah tah jong aum in, lim gah kilahpi thei hoitah tah jong aum’e. Suong kitun na a kimang suong neo ho jong chu aningli a kitoh chetchet a kikhen ahin avet hoithei lheh-e.
Khosung a akium teng thanop um tah kit khat chu kwa, talab, khaini, adg. kineh na hel ahilou leh chil kisetthang aki mupon, khosung miten khamnathei hatah a adoudal’u ahidan mudoh thei ahi. Chule khosung a thiljoh hon jong hitobang khamnathei thil hochu khatcha akoi pouve. Kavailhun uva kipat in khosung mi kakitopi’u hochun kipah tah tah in eilamto uvin jindotthem ahidan’u jong mudoh thei ahi. Hiche a nuijat umtah khat chu minu abang chun eimi hochu Meilhei pao in eihung houjiuvin, sopi Naga hojoh chu eipao in aga hou kha jiuve.
Bu-me hon na a manchah ding kong-le-bel, thilkeo ho itcha louhel in eipe uvin, thing tampi jong manbei in eipe uve. Hitichu nilhum kei in lungmong tah in kaga lha uvin ahi. S.Molnom kho mite hi kaki hetkhahpi khatcha aumpon, hiche article hin jihdoh nading a kaga houlimpi jong aum dehpoi. Kahung kilelam uva kaki ngaito to le hitobang eimi kho thinglhang a aum chu kipapi um kasah beh jeh a kahin jihdoh thu ahijoi. Khosung mite kahetsun chu an-hon a eihung kithopi pau bou chu ahi!
Khosung umdan a kipat kamudoh khat chu Haosa in Pathen ahet a khosung angailut teng kho mite dia lungmon aum keo hilouvin khantou machal na dia lampi phatah ahi. Chule hitobang khosung a hung seilen chapang hochun ichan hamkhat a akhosung a kipat a thilpha tampi ajil pan ding ahi tai.
Alang khat ah khosung khat khantou-machal nadin haosa sehseh hilouvin khosung mite jousen pan alahkhom jong angaije. Hitobang a vetjui thei eimi kho adang jong aum tan, adang ahung umbe nahlai ding jong iki nepnau ahi. Pathen in S.Molnom phatthei bohjing tahen.
(Eimi Times, October 31, 2014)

Comments

  1. Unknown30 November 2020 at 06:48

    Thanop umme hitobng khohi eiho namsung ah hung kisep jenghen

    ReplyDelete

Post a Comment

Popular posts from this blog

Mukt Shabd Journal: Is it a Fake Journal?

Image
About a couple of weeks ago, I came across two online journals,  Mukt Shabd Journal and Tathapi,  which I suspected to be cloned/fake. When I cross-check the journals with that in the UGC-CARE List, I feel convinced that both would be fake/scam primarily because in  less than four months, i.e. March-June,   Mukt Shubd Journal published 2538 papers; and Tathapi published about 1163 papers during the month of June alone. Let me share my tiny experience with this  cloned/fake journal named  Mukt Shabd Journal . Since I was convinced that the journal could be fraud, I was sharing this for research scholars for awareness. Firstly, whenever you log-in to UGC-CARE List (Link:  https://ugccare.unipune.ac.in/apps1/home/index ), you will surely see a message which says This is to alert all the stakeholders that a few fake websites, imposing as CARE website, have come to our notice. All the stakeholders are advised to be careful and avoid falling prey to these potentially predatory websites. Any
Read more

What have the Meiteis Benefitted through this Conflict?

Image
When the Meiteis started the current ongoing ethnic pogrom against the Kukis on May 3, 2023, little did they imagine that it would stretch the whole year. They have entirely underestimated the Kuki-Zo. Now that the year has lapsed and a new year has dawned, it’s time for the majority community, Meiteis, to assess what they have actually benefited from declaring a ‘national war’ against a minority community.  At the beginning of the war, the Meiteis rampaged the Kuki-Zo (henceforth Kuki) in Imphal and hounded the people like dogs. Meitei society, from all hues, was cheering the Arambai Tengol and Meitei Leepun as they went about venting their deep-seated envy, insecurity and misplaced apprehensions. Biren was even hailed in some corners as a legendary Meitei leader who has gone full throttle to regain Meitei’s ‘lost glory.’ However, as the war went on, Kuki started regrouping after their initial setback when they were caught napping. Soon, the Meiteis intruders were ‘Khamenloked’, signa
Read more

Khangdong ho ding’a kitilkhou nathei tah Bosco hinkho

"Genthei tah a lekhasim toh sumhol kahinkop ahin, tunvang Pathen lungset in business neokhat kabol a kon hin niseh leh Dk.10,000 tobang kamu thei tan hahsa lou beh in sumhol toh lekhasim kakop thei tai.” Hiche thucheng hi Bosco Rengtankhel Jaiche in nikhat Manipur University Campus sung a kaki houlimna lhon a asei ahi. Bosco toh hin achesa kum-phabep sung hin kahung kivop lhon tan, Loi-le-Pai hinan lunggel jatchom chom jong kasei khom ji lhon’e. Miphatah ahi in kahahsat na jouse ah jong eikithopi jing’e. Ham-le-pao kibang aki-hilou vang in sopi Eimi gel hinan kingailu tah leh kisato thei tah in hinkho kamang ji lhon’e. Khatvei vei teng leh ka-insung umdan lhon hojong kaseikhom ji lhon in, loi-le-pai mai mai hitalou in sopi kinaicha bang in kaum ji lhon tai. Bosco hinkho a pachat um kasah tah khat chu ama jong genthei tah a hung seilen a sum-le-pai kihol toh lekhasim hinkop ahijeh in ahithei chan’a chapang-khangdong simlai, adeh a inchen genthei ho ijokham kham a kithopi jin
Read more