Class-IX kasim lai a kathilto kasuhmil theilou khat


Model School a Class-IX kasim lai in khatvei ehbuh kaki lholut khah in, hiche hi tuchan a kasuhmil theilou ahi. Kum 20 nailam vang ache tai.

Model school phatlai tah a chu simlai 3000 val cheng ana phaji ahin, Class-VI a pat chung lam se chu section-ni a kihomkhen ji ahi. Chapang atam dungjui in ehbuh jong ka-10 hamkhat anahi. Ahin, ehbuh le junthahna kigom ahi jeh in ka atam vang in short-break teng ehbuh chu ana kiki chutho ji ahi.

Chujongle ehbuh ko hochu adaltan ding commode umlou, anoilang chu hompai jel ahi jeh in Pen ima ilhahsah le anung sodoh je umlou ahi jenge. Model school ehbuh lut kha jousen ihetdiu ahin, ajen a kijen, ahivang a aboi a boi ahi. Hiche ehbuh apat longlha eh-Twi hochu Vadung a luonglut a anoilang a min aneh kit ahi atiuve.

Nikhat hi Long-Break pet in juntha din kache in ahile ehbuh sung chu kakilho nal in akosung (manhole) a chun kakeng jetlang kamal gei kathung lut khatan, ako pang a chun kasuh got in ahile ka-toka jouse avom henhun jeng tan ahi. Vangphat umtah khatchu ako chu thuh ahijeh in anoilang a eh hochu kachonpha pon, eh lom lom vang chu kanat pon ahi.

Ahin, kakeng chu kagah kaidoh le anamse lheh jeng tan, hung potdoh ngamlou in ehbuh sung a chun Long-Break kichai changei kaumden tan ahi.
Break akichai a chapang jouse classroom alut gam phat in Ehbuh sung a pat kahung potdoh in ahile kapum chang in jun-neng kanam tan, milah a kithah doh na-ngam kahi tapoi. Kadongman in Twikai ah kakeng kasop in ahile atheng thei deh tapon, anam chu abep bep ahi jing tan ahi. Kajachat toh, katijat toh aseije-agelje jong kahe thei tapoi.

Hiche nikho chun eh sang a jun namse jo ahidan hoitah in kahin hedoh bepseuve. Kagel le chapang 3000 val in niseh a jun athah chu tam mong mong dan hintin, anamset dan chu nasa mong mong ahi. Ehbuh sung a kaumpet chun jun nam chun eiha lhut behset in kapum in katha angoi jeng in ahi. Chule kamit jeng jong apeh in hahdoh jou talou in kahung potdoh chun kamai athim jeng'e.

Suhtheng thei chan twikai a kasuhtheng vang in anamchu akidoi dehpoi; themkhat vang avet hoi jep nai. Hichun inn lam kile ding la class pamai kasah in, kiphalam thim tah in classroom kahung lut kit tan ahi.

Classroom a touna hi bench a rotation kiche ji ahin, kei touna bench chu alai dontah ahi ni khat ahi. Hichun katou khompi ho kom ah katahsa anom thim pon, aning lang ah tou inge kati in, aning lang ah chun kaki imutlhem sah tan ahi le, kikilhim pan loulai achu "swaee...swaee..." ahin tipan tauvin, anah akisip chelchul tauve. Keila kajachat behseh jeh chun kaki hetmosah in, kaki imutlhem sah in, ahin chapang 100 vel chu apum eolhah jeng tauve. Hichun jilkung nu jong ahung luttan ahile class kilah sung chun athip gam kit tauve. Chomkhat jou in, hung go jep jep jong hitan tin, chule anah uvin jong aha nah behseh phat a ngonsuh gam hitan tin, anam lam jong ahe gam tapouve.

Hitichun Long-Break jou a class 3 chu kathoh lhung kei in, school kikhen khen in Innlam kahin thidel tan ahi. Kaumna mun kahung lhun lhun in kavon hochu kasop in, ajing school kai laptei tei nadin ka-heh gothet in, kaphoudoh tan ahi. Ajing in kavon hochu ana go gamtan, kho hephalou bang tah in school kajon kit tan, ahin ka-lungthim vang akichol thei tapoi. Adeh in ehbuh lam jot ding chu kagel jong leh katimul akithou jeng jin ahi.

Akhohdan chu school uniform akhel neilou kahi in, khat aboi le adang umlou ahi. Hijeh a chu kasop gangchel a kasuhgot tei tei ana ngai ahi.

Tuhin khangthah cha akihi nahlai vang in school ikai lai inung gel leh mangjel dan in aum tai. School kai lai chun hitobang jachat umtah tah, chule suhmil theilou thil tampi ana kitoh-e. Hiche ho hi igel doh kom teng ilung helji ahi.

Abang leh notebook neilou jeh; abang leh textbook neilou jeh; uniform lhinlou jeh; uniform ho istry tah lou jeh; kengchot-lou nulou jeh; school bag neilou jeh....mol ineh na tam ahi. Pathen lungset in lekha hetlou jeh in mol kana nekha behseh pon, hiti ho a lhahsam jeh joh a hi kana ha thoh ahi.

Adeh deh a school fee pehjou lou jeh a nisa noi a akidin na ana tam ahi. Class khat/class ni cheng fee pehlou jeh a nisa ana kithoh ji ahi. Dongma neiho vang chu a-dongma houvin ana vetjou jilou'u ahi.

Half teng le iloi hon manggan chengkhat man akichoh uva nungah ho se na a aneijiu jong ana kivejou jilou ahi. Abang le kadong man a atolkhe kaki lo ji a hiche ho achu nungah ho kana se ji ahi.

Manggan poimo dan chu chengni man ichoh leh half sung se se chu nungah toh chance kimu jeng ji ahin, Hichu hapta khat tobang iboljom jou a ahile iloi dongma jong kilahpeh jou ana hi'e. School kikhen a nungah ho Talab cheng-nga man chohpeh jing jou ho vang chun adei dei alothei ahi.

Hiche ho jouse chu eidia ana gamlha mong mong ahi. Nungah nehthei chohpeh malah a kengchot ato tahkheh ho kichon ji chu lha-6 alhin leh manthei hiji talou, kai mo mo a kikai ji ana hi.

Kaneolai thu themkhat gah kiseibe tadi le:  class II/III ka-simlai chun kaloi abang khat chu inn a pat school a din ahung kigong doh jiuvin, ahin lamkah a avaitham den ji tauve. Amaho chun guphel ahin kipoh ji uvin ujoh lah a vacha kap toh beri chep akop nilhum lhum ji tauvin ahi. Hichu nilhah lam teng ihung kile le ujoh lah a pat mesesu in ahung potdoh ji uvin, inn lam ahung kikile khom kitji'e.
Hitiho jouse hi kanung gel le milung-kimlou avatthim atiuho vang hi ana kihi dan ahi. Kaloi hon ijat a school apel a, hinkhonom aman ji vang uvin kana otcha kha poi. Chule jachat nathei thil ijat kato vang in school kana che che jeng in, school kai ding kathaset lam kahe kha poi. Fee aphatcha peh joulou jeh a nisa kathoh khompi phasah khat chu ajachat behseh jeh uvin nisathoh kichai teng school nung lang a pat ana jam ji tauve. Ahin, kei vang chu class ni kichai jou hijong le classroom kalelut in class kanajao thou thou ji in ahi.

1995 kum a Gangpijang Kho kom Koupok Nepali kho khat a Class-KG kasim lai chu chapang cha kahi nalai in, chuh lai le bonlhoh lah a kaki boltho ji tobang anahi. Ajehchu minop kanahi in, bonnal lah a kache teng kaki balhuh matchet ji ahi. Ahin, kapum a bon kanat jong leh lamlen kahung lhun teng nala/Vadung lah a kaki suhtheng in school kajon thou thou ji'e.

Kaloi atamjo chu khatvei akibalhuh jong le inn lam kile jiu ahi tai. Abang deh deh chu school kai thaset man a bolthu jong umda lou ahi. Ahin kei vang chu avel vel a kaki balhuh jong le khoh salou kanahi. Kanu-ngah (Kanu naonu) seidan in ka Kho uva pat Lamlien kikah chu 2.5km tobang ahin, nikhat vang vang chu vel-12 naki balhu'e eiti ahi.

MORAL OF THE STORY?

Hiche thusim kahin jih hi kihil nading (moral) umlou hiel ahibouve. Moh a um mongmo a kahin moh jih jih thu ahi.

Ahinkaneolai ka-school kailai hohi kanunggel kanunggel ji le chapang ase-apha kahet masang a chutia lekhasim kana khohsah dan chu eima jenngai jeh leh phatjeh hipon tin, Kanu taona jal khattou ana hidem kati kom umji ahi. Hiche phatlai chun ana thase dehduh leng tuni kaphah nahi kaphah lou maithei ahi. Thohhat kiti hi abangkom teng ngolhoi tah hiji jong leh achaina hi aga umtei tei vang ahi.


(Written for Facebook post on 30 Aug 2019)

Comments

Post a Comment

Popular posts from this blog

Mukt Shabd Journal: Is it a Fake Journal?

Image
About a couple of weeks ago, I came across two online journals,  Mukt Shabd Journal and Tathapi,  which I suspected to be cloned/fake. When I cross-check the journals with that in the UGC-CARE List, I feel convinced that both would be fake/scam primarily because in  less than four months, i.e. March-June,   Mukt Shubd Journal published 2538 papers; and Tathapi published about 1163 papers during the month of June alone. Let me share my tiny experience with this  cloned/fake journal named  Mukt Shabd Journal . Since I was convinced that the journal could be fraud, I was sharing this for research scholars for awareness. Firstly, whenever you log-in to UGC-CARE List (Link:  https://ugccare.unipune.ac.in/apps1/home/index ), you will surely see a message which says This is to alert all the stakeholders that a few fake websites, imposing as CARE website, have come to our notice. All the stakeholders are advised to be careful and avoid falling prey to these p...
Read more

What have the Meiteis Benefitted through this Conflict?

Image
When the Meiteis started the current ongoing ethnic pogrom against the Kukis on May 3, 2023, little did they imagine that it would stretch the whole year. They have entirely underestimated the Kuki-Zo. Now that the year has lapsed and a new year has dawned, it’s time for the majority community, Meiteis, to assess what they have actually benefited from declaring a ‘national war’ against a minority community.  At the beginning of the war, the Meiteis rampaged the Kuki-Zo (henceforth Kuki) in Imphal and hounded the people like dogs. Meitei society, from all hues, was cheering the Arambai Tengol and Meitei Leepun as they went about venting their deep-seated envy, insecurity and misplaced apprehensions. Biren was even hailed in some corners as a legendary Meitei leader who has gone full throttle to regain Meitei’s ‘lost glory.’ However, as the war went on, Kuki started regrouping after their initial setback when they were caught napping. Soon, the Meiteis intruders were ‘Khamenloked’, s...
Read more

Khangdong ho ding’a kitilkhou nathei tah Bosco hinkho

"Genthei tah a lekhasim toh sumhol kahinkop ahin, tunvang Pathen lungset in business neokhat kabol a kon hin niseh leh Dk.10,000 tobang kamu thei tan hahsa lou beh in sumhol toh lekhasim kakop thei tai.” Hiche thucheng hi Bosco Rengtankhel Jaiche in nikhat Manipur University Campus sung a kaki houlimna lhon a asei ahi. Bosco toh hin achesa kum-phabep sung hin kahung kivop lhon tan, Loi-le-Pai hinan lunggel jatchom chom jong kasei khom ji lhon’e. Miphatah ahi in kahahsat na jouse ah jong eikithopi jing’e. Ham-le-pao kibang aki-hilou vang in sopi Eimi gel hinan kingailu tah leh kisato thei tah in hinkho kamang ji lhon’e. Khatvei vei teng leh ka-insung umdan lhon hojong kaseikhom ji lhon in, loi-le-pai mai mai hitalou in sopi kinaicha bang in kaum ji lhon tai. Bosco hinkho a pachat um kasah tah khat chu ama jong genthei tah a hung seilen a sum-le-pai kihol toh lekhasim hinkop ahijeh in ahithei chan’a chapang-khangdong simlai, adeh a inchen genthei ho ijokham kham a kithopi jin...
Read more